تكملت باقي حلقة د/ لمياء استشاري النساء والتوليد , و 6 نصائح للحامل الصائمة في رمضان .
الأم اللى قررت انها تصوم تعمل ايه علشان تقدر تصوم و تاخد كل إحتياجاتها و أحتاجات طفلها من الغذاء خلال اليوم ,تاكل ايه و تاكله ازاى ..
الحامل طول فتره الصيام معدتها مرتاحه بس اول ما تبدأ تاكل هتتعب علشان كده لازم تاخد بالها من شويه حاجات اول متفطر
1- انها تبتدى بحاجه خفيفه زي طبق شوربه دافى , تمر مع لبن و تستنى شويه و بعد كده تبتدى تاكل لكن مهم تقسم الاكل لازم يتقسم على وجبات كتيره و صغيره في الفتره ما بين المغرب و الفجر
2- اكلك خلال الفتره ديه لازم يحتوى على بروتين و خضار و على سلطه و على فاكهة و ابعدى عن الحاجات الحاره و المقليه .. لان الحاجات ديه بيبقى هضمها صعب وانتى جهازك الهضمى بتاعها مش مستحمل
3- نبعد برضه عن العصاير المليئة بالسكر و حلويات رمضان لو هناكلها يبقى بكميات قليله و مش كل يوم علشان الحاجات ديه بتعلى مستوى السكر جامد و بعد كده هيرجع ينزل و هتحسى بهبوط و بتعب
4- طبعا السوائل مهمه جدا ليكى و خصوصا في الصيام لازم تشربى من 2 ل 3 لتر في اليوم ..
5- اوعى تنسى السحور مفيش حاجه اسمها اننا نطنش وجبه السحور و لازم السحور يكون فيه بروتين و فاكهه و خضار و لازم كمان يبقى فيه ذبادى لانه من الحاجات الجيدة اللى نختم اليوم بيها علشان حركه الأمعاء تبقى كويسه ..
6- وقت الصيام قللي من اي مجهود تعملية وخلي اغلب وقت الصيام راحة ليكي ولو حسيتي بأي تعب افطري فورا..